حلوى كلاصي بالحامض

هاد المقادير لي غنعطي ديال جينواز عملتهم في لاطة كبيرة :

8 بيضات،غ250 فورص،غ250 سنيدة،خمارة وقشرة ليمونة وشوية الملح

كنخلطو البيض شي شوية وقشرة ليمونة والملح

ثم كنضيفو سنيدة 

وكنضربوهم مزيان 

حتى كيولي مثل كريمة ثم كنضيفو الفورص المغربل والخميرة ولنخلطو بضراب يدوي حركات دائرية من فوق إلى تحت 

ثم كنصبوه في لاطة مفروشة بورق السيلفريزي وندخلوها للفرن كيكون ساخن و شعلناه من قبل

منين كطيب نرشو الوجه بسنيدة 

وكنقلبوها فوق شي منديل ونخليوا تبرد وكنقطعوها حسب الرغبة إما دائرية أو مربعة( أنا قطعتها مربعة)

مقاديرالكريم:

كريم الحامض:2حامضات معصرين،غ75 سنيدة،غ60 زبذة،2بيضات،م.ك ممسوحة مايزينا

في كاسرونة كنعملو عصير الحامض وسنيدة والزبذة وميزينا

ونعملوهم فوق النارحتى يسخنو وتبان لينا الزبذة ذابت ثم كنضيفو البيض المضرب بشوية بشوية ونحن نخلط

وحنا كنحركو بسرعة حتى يعقد لينا الخليط ونزولوه ونضيفو وريقة جيلاتين ونخلطو حتى تذوب ونخليوه جانبا حتى يبرد تماما

الكريم2:غ250 قشدة طرية كنضربوا مع غ125 سكر كلاصي حتى تطلع لينا 

ثم نضيف كريم الحامض وهو بآآرد ونضربو حتى يتجانسو ونحصلو على كريم ثنائية

في إطار كنعملو الجينواز الأولى 

وكنسقيوها شي شوية بالسيرو ونضع طبقة من الكريم 

ثم نضع الجينواز الثانية ونضغطو عليها بإيدينا شي شوية ونسقيوها حتى هي شي شوية ونديرو طبقة ثانية من الكريم ثم نعملو الجينواز الثالثة وحى هي كنضغطو عليها شي شوية وكنسقيوها هاذ المرة جيدا ونديرو بقية الكريم ونذخوها للثلاجة تبرد منين خرجتها زينتها بالكريم وشكلاط والحامض المعسل

طريقة الحامض المعسل:

قشور 2 حامضات كنرشوه بشوية سنيدة وكنخليوه حتى كيبان لينا طلق الماء

ثم كنعملوه في مقلة فوق النارحتى يتعسل