حلوى كلاصي

مقادير الجينواز:

4 بيضات،غ100 سكر كلاصي،غ100 فورص،4 م.ك زيت،غ20 كاكاو،خمارة،فاني وشوية الملح

كنفرقو الأصفر عن الأبيض وكنضربو الأبيض مع شوية الملح شي شوية حتى يبدا بالصعود وكنضيفو السكر كلاي وكنبقاو نضربو حتى يطلع لينا فحال الثلج

نضربو الأصفر مع الزيت والفاني جيا وكنضيفوه للأبيض وكنضربو حتى يتجانسو

كنضيفو الفورص لمخلط مع الكاكاو والخميرة 

وكنخلطو من فوق إلى تحت وكنصبوه في لاطة مفروشة بورق السولفريزي وكنسرحوه بملعقة وكندخلوه إلى الفرن

منين كنخرجوها كنرشو الوجه بسنيدة وكنخليوها تبرد ثم نقطعوها  حسب الرغبة (أنا قطعتو دائري)

 الحشوة:

غ250 قشدة طرية،ورقة الجيلاتين،م.ك كاكاو،م.ك نيسكافي،غ100 شكلاط أسود وغ125 سكر كلاصي

نضرب القشدة الطرية شي شوية حتى تطلع 

ثم الكاكاو

ثم النيسكافيه(نذيبها في م.ك ماء)

 ثم الشكلاط المذاب في حمام مريم 

 وثم الجيلاتين البارد(كنديروه في الماء البارد حتى يترخا وكنعصروه من الماء وكنذيروه يذوب في حمام مريم) أو ممكن نخذ شوية من الكريمة ونسخنها ثم نذيب فيا الجيلاتين

السيرو:

كاس سنيدة كنخلطوه مع 2 كيسان الماء وكندروه يغلي 7 د ثم كنزولوه من النار وكنضيفو م.ص نيسكافيه

كناخدو الإطار باش قطعنا جينواز وكنديرو القطعة الأولى وكنسقيوها بالسيرو

وكنصبو الكريم

 ثم كنديرو القطعة الثانية

وكنسقيوها وكندخلوها تبرد ثم كنخرجوها وكنصبو عليها الكلاصاج

الكلاصاج:

غ145حليب،غ180سنيدة،غ50 كاكاو مغربل،غ65 شوكولا غيش،3 واق جيلاتين غ100 ناباج

في كاسرونة نضع الحلب يغلي مع سنيدة مدة 4 دقائق ثم نضيف الناباج وهو فوق النار ثم يغلي غليتان نزيله ثم نضيف الشوكولا غيش حتى تذوب ثم الكاكاو الغربل  ثم الجيلاتين ونخليوه حى يدفا ونضربه في الخلاط الكهربائي