جينواز بلاموس الفريز

مقادير الجينواز:

4 البيضات،125فورص،غ125 سنيدة،فاني ونصف خمارة

كتشدي البيض كتضربيه مع سنيدة والفاني وشوية الملح حتى يولي كيف الكريم ويوقف 

كضيفي الفورص المغربل والخميرة وتخلط بشوية من فوق إلى تحت 

وتدخليها للفرن 

مقاديرلاموس بالفريز:

غ250 فريز،غ250 قشدة طرية،غ100 سنيدة،4 أوراق جيلاتين

كنضربوالقشدة طرية شي شوية ونخليوها على جنب

نطحن الفريز مع سنيدة 

ثم كنعملوه فوق البوطة حتى يسخن ونزيدو الجيلاتين (كنكونو عملناهم في الماء حتى يرطابو وكنعصروهم من الماء ) ونخليوه حتى يبرد

ونضيفو للقشدة الطرية

ونضرب حتى نحصل على لاموس كنصبوها على الجينواز من بعد ماسقيناها بالسيرو وكندخلوها للمجمد 

الكلاصاج :

غ100 فريز كنطحنوه مع 2 م.ك سنيدة

ثم كنضيفو ليه م.ك ناباج

وم.ك كليكوز 

وروح الفرومبواز

ونعملوهم فوق النار حتى يغليو ثم كنزولوهم وكنضيفو 2 أوراق جيلاتين(كنكونو عملناهم في الماء حتى يرطابو وكنعصروهم من الماء ) 

كنصبو الكلاصاج فوق لاموس ونذخلوها تبرد