لطحال معمر بطريقتي الخاصة

حبيت نشارككم طريقتي لي كنديرفي تعمار الطحال

حاجتنا للطيحال،بصلة مشلظة رقيقة،شوية الشحمة مقطة رقيييقة ،شوية اللحم مقطع رقيق ودرت حتى شوية هبرة بيبي مرققة

ضفت ليهم شوية الربيع مقطع،إبزار،سكنجبير،تحميرة،كامون،خرقوم بلدي،السودانية،ملح والقزبر يابس مدقوق

كنخلط العناصر كاملة

وكنحشي بيها الطيحان 

وكنخيطو

في طويجين قطعت بصلة دوئر وعملتها فوق النار مع شوية الإبزار والملح والزعتر

حتى ترخات شوية

ثم ضفت ليها ماطيشة مقطعة دوائر ورشيتها حتى هي شوية الإبزار والملح 

وحطيت فوق منها الطحال ودرت فوق عافية مهيلة يطيب على خاطرو

ومنقولش ليكم على المذاق كيجي شهوة منو