حلوة العش باللوز

مقادير العجين:

غ500 فورص،غ100زبذة ذائبة(أنا كنخليها حتى كتشحر مزيان كتولي زبدة نوازيت وكتعطي مذاق كيفحال لنوازيت)،2م.ك سكر كلاصي،وماء الزهر لجمع العجين

نخلطو الفورص، الزبذة والسكر كلاصي وشوية الملح مزيان

ثم كنجمعو بماء الزهرونعركوها مزيان

ونعملوها كويرات ونخليوها ترتاح داخل بلاستيكة 

عقدة اللوز:

غ250 لوز كنطحنوه مع غ125 سكر كلاصي وكنضيفو م.ص كونفتير،غ25 زبدة دائبة وشوية المكة الحرة مدقوقة مع شوية السكر كلاصي كنخلطو الحشوة ونخليوها

نطلقو العجين رقيق

وكحربلو عقدة اللوز وكنعملوها في طرف العجين وكنلويو حتى كيتغطى اللوز

ثم كنقطعوالعجين ونحربوه شي شوية ثم كنقطعوه أصابع

نأخذ الأصبع وكنلفوه مثل الدملج

وكنقشوه

ثم كنعملو في الوسط شوية الكنافة (الكنافة لي كنطلقوها بالزبذة الذائبة)

ونزينو بالنوازيت وحتى هي نخليوها ليلة كاملة ثم نطيبوها

ومنين تخرج من الفرن نسقيوها بالعسل