كسكس بالتفاية ومزين بالخضر معسلة وعجين الفواكه

1كلغ كسكس،دجاجة مقطعة،غ250بصلة مقطعة شنايف،م.ص سكنجبيير،م.ص إبزار،زعفران شعرة،خرقوم بلدي وشوية الملون،ملح وكاس إلا ربع زيت العود وزيت المائدة

في برمة نعمل الدجاج،البصلة وبقية العناصر ونمرق ب2 ليتر ماء

الكسكسو أنا  كندهنو بالزيت

 وكنعملوه يتفور التفويرة الأولى ثم في التفويرة الثانية والثاثة نرشو بالماء

الدجاج ينضج نصف النضج ونزولوه مع شوية المرق وندخلوه للفرن يكمل النضج 

ويتحمر

تحضير التفاية:

3 كلغ بصل مقطع شنايف نضعها في كوكوط مع ربع كاس ماء الزهر،ربع كاس ماء،شوية زعفران شعرة والملح ونركها حتى تطيب

 من بعد كنحلو عليها ثم نصفي البصلة

 والماء ديالها نصبوه في البرمة ونرمي 2 جزرات ولفتة وربطة مخلطة بين المعدنوس والقزبر

لبصلة من بعد ماصفيناها نضف لها غ200 سنيدة،رشة كوزة،م.ص قرنفل مطحون،م.ص عامرة قرفة،م.ص سكنبير،م.ص إبزار،شوية المسكة الحرة مدقوقة،م.ص سمن وغ50 زبدة

 ونتركها تتعسل مع التحراك حتى نحسو بالماء بدا ينقص كنضيفو غ250 زبيب يكون من بل مرطب في الماء الساخن

ونحركو حتى تتعسل مزيان وتنشف تماما من الماء

الخضرة المرافقة:

السفرجل معسل:

غ250 سفجل مقطع دوائر ومثقوب من الوسط ونعصر عليه الحامض جيدا باش مايكحالش

نصف ليتر ماء نضيف له غ250 سنيدة وعود قرفة نضعهم فوق النارحتى الغليان حتى يثقال السيرو ثم نضع السفرجل ونتركة ينضج ويتعسل

الدنجال معسل:

غ250 دنجال من لأفضل نختار الدنجال صغير نتركه بطربوشه ونغسله جيدا ونفلحوه على اثنين دون أن نقطعه ونعصر عليه ال حامض جيدا

في إناء نضع ربع ليتر ماء،غ125سنيدة،ربع م.ص قرنفل حبوب فوق النار حتى الغليان ويثقال السيرو

 ثم نرمي الدنجال

 ونتركه ينضج  حتى يقلال الماء نضيف ربع م.ص زبدة ونقصو للعافية ونتركه يتعسل

عجين الفواكه:

غ250 كرعة حمرة،غ250 جزرنسلقهم ونطحنهم في شوية الماء حتى نحصل على كولي

نضيف لهم غ90 كليكوز،غ200 سنيدة،غ15 بيكتين(يكون دائبفي شوية الماء)،م.ك ماء الزهر

 ونضعهم فوق النار مع التحراك حتى يبدا يعقاد مثل كريم باتسيير ونحصل على عجين نزيله ونضيف ربع م.ص حجر الليم يكون ذايب في شوية الماء نتركه حتى يبرد ونطلقوه بالمدلك 

وطبعوه الأشكال التي نريد تزيين بها الأطباق

في طبسيل نضع الكسكس فوق منه نضع الدجاج وفوق من لدجاج نضع البصلة معسلة(التفاية) وفي جوانب التفاية نضع دوائر السفرجل العسل وجانب الكسكس نضع الدنجال وعجين الفوكه واللوز مكرمل ونرش بشوية للوز محمر ومهرمش

وأرجو أن يعجكم الطبق بالصحة والراحة