اليوم بغيت نعطيكم هاذ العجين لي كيصلاح لجميع أنواع المملحات من بيتزا،شوصون،لي فون...إلخ وهو كيجي غزال وساهل حتى في الخدمة كيفحال العجين المورق ولي عدد كيقولو مكيصدقش ليهم وأنا حبيت نشارككم بيه ولي جرباتو مغتندمش خاص غي تبع الطريقة
غ500 فورص،غ250 زبذة اللذة،م.ك الخل،م.ص ملح و حليب لجمع العجين(وممكن تجمعي حتى بالماء)
كنشدو الفورص كنخلطوه مع الزبدة
وكنبسبسهوم مزيان
حتى يتخلطو لينا
ثم كنضيفو الخل والملح
وكنخلطوهم ثم كنضيفوالحليب شوية بشوية
حتى يتجمع لخليط
كنورقوه مرتين بطريقة العجين المورق
وهاهو أصبح جاهز وتديري يه لي بغيتي
غنعطيكم 2 أشكال مينو
الشكل الأول:سيكار مالح
الحشوة:الكفتة متبلة كنضيف ليها شوية الكيتشاب والفروماج الأحمر
كنطلقو العجين
وكنطبعوه بطابع مثلث
كنعملو الحشوة في طرف المثلث
ثم كنجمعو الجوانب وكنلفوه
وقبل مانكملو كنشدو الجرارة وكنشرطو جوج شرطات
وكنكمل اللف
كنغطسو الجوانب في البيض ثم كنفندوهم في زنجلان أو البافو ثم كندهنو بالبيض المخلط مع شوية الملح وندخلوها لفرن ساخن
الشكل الثاني:بيتزا أوفال
الحشوة حسب الرغبة أنا استعملت صلصة الطماطم والكفتة وشوية قمرون
وفروماج أحمر للتزيين
كنطلقو العجين وكنطبعو بطابع أوفال
كندهنو بصلصة الطماطم ثم كنعملو الكفتة ثم قمرونة من فوق
ونذخلوهم للفرن حتى تطيب ثم كنخرجوهم ونديرو الفروماج من فوق ونذخلوه يذوب في حرارة الفرن
وتمنى يعجبوكم وبالصحة والراة حبوباتي
0 التعليقات Blogger 0 Facebook
إرسال تعليق