كيفية إعداد العجين المورق بطريقة مبسطة

حطيت اليوم الطريقة السهلة لإعداد العجين المورق وأرجو أن يكون الشرح مفهوم

غ500 فورص،م.ك خل،م.ص ملح،2م.ك زيت، ماء بارد لجمع العجين

للتوراق: رابعة اللذة أو أي زبدة أخرى خاصة بالتوراق( أو ممكن تخلطيها مع الزبدة العادية يعني النصف بالنصف)

كنخلطو الفورص مع الخل والملح والزيت

وكنجمعوه بالماء البارد(ومن لأحسن يكون من الثلاجة)

كناخذو لعجين وكنديرو فجوة

وكنحطو الزبذة 

وكنغطيو لزبذة بالعجين

كناخذو المدلك و كنبقاو نضربو عليها حتى تدخل مع العجين 

ثم كنسرحوها بالمدلك

وكنطويو طرف

وكنطويو على طرف الثاني

كنورقوها المرة الأولى

بحيث كنورقو للفوق أو للجهة لي كيتنفس من العجين ماشي لي مسدودة

أو إلى تحت

نجمع مرة أخرى طرف

على طرف ونورق 

وكنورقوها أربعة مرات

حتى كتبان لينا التوراق منين كنفتحوها من الوسط

كنلفوها في منديل ونذخلوها للثلاجة ترتاح

ملاحظة:

للإشارة باش يطلع ليك العجين المورق:

1خاص الزبدة تكون باردة يعني تكون حاطها من قبل في الثلاجة

2 الماء يكون بارد بما أننا الحال سخون نستعمل الماء من الثلاجة

3 في التوراق متورقيش حتى يولي لعجين رقيق خليه بين وبين

5حتى إلا بيتي تستعملي العجين المورق فشي وصفة منين طلقيه خلي العجين شوية غليظ ومني تبغي تطيبيه الفرن يكون ساخن جدا باش يتنفخ ليك