مقادير العجين:
2زلايف القمح الأصفر،زلافة فورص،ملح،بيضة.
للتوراق:
الزيت مخلط مع طروفة الزبذة ( بوماد)و خمارة حمرة
كنخلطوالدقيق وكنزيدو البيضة والملح
وكنعجنو العجين حتى نحصلو على عجين لين
كنقطعوه كويرات وكنغطيوها ببلاستيكة وكنخليوها ترتاح
دابا ندوزو للحشوة ولي كنحتاجو فيها
باكية صغيرة شعرية صينية،2حكاك الطون،فلفلة حمرة وخضرة،بصلة كبيرة مشلظة،كنورة بقري،م.ك ماطيشة الحك،زيتون أخضر مقطع،قزبر ومعدنوس، شوية إبزار،سكنجبير،خرقوم بلدي،تحميرة والكامون،صلصة الصوجا وم.ص الهريسة( اختياري)
دابا طريقة إعداد الحشوة (ديك كنورة كنقسموها على ثلاثة):
كنشحرو البصلة مشلظة مع م.ص الزبذة،شوية الكنوروشوية الخرقوم
وكنشحرو الفلفلة مع الزبذة وشوية الكنور والخرقوم
كنديرو الشعرية الصينية في الماء البارد حتى كتطلق ونصفيوها عاد نصبو عليها الماء الغليان ونصفيوها وكنشحروها حتى هي مع الزبذة والكنور والخرقوم
في شي طبسيل كنخلطو كل من البصلة وفلفلة وشعرية الصينية
نضيفو عليهآلعناصر لي بقات لينا يعني:الطون
،ماطيشة الحك
الزيتون مقطع
،الإبزار،سكنجبير،تحميرة،الكامون،صلصة الصوجا،القزبروالمعدنوس والهريسة
وكنخلطو مزيان حتي تنسجم العناصر مع بعضياتها.
كناخدو كويرة وكنطلقوها بالزيت والزبذة المخلطة مزيان
وكنديرو الحشوة في طرف العجينة
وكنبداو نلويو
حتى نحصلو على قضيب
من بعد كنلويو مرة أخرى على شكل حلزوني
حتى نحصلو على محينشة
كنديرهم في لاطة مدهونة وكندهنوهم بالبيض
0 التعليقات Blogger 0 Facebook
إرسال تعليق